ಅವಳ ಹೆಜ್ಜೆ - ಮಹಿಳಾ ಸಬಲೀಕರಣ ವಿಭಾಗ
"ಅವಳ ಹೆಜ್ಜೆ" ಎಂಬ ಹೆಸರಿನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಗುಬ್ಬಿವಾಣಿ ಟ್ರಸ್ಟ್ ನ ಮಹಿಳಾ ಸಬಲೀಕರಣ ವಿಭಾಗದ ಪ್ರಧಾನ ಉದ್ದೇಶವೆಂದರೆ ಎಲ್ಲಾ ಕ್ಷೇತ್ರಗಳಲ್ಲಿ ಲಿಂಗ ಸಮಾನತೆಯನ್ನು ಉತ್ತೇಜಿಸುವುದು ಮತ್ತು ಮಹಿಳೆಯರ ಧ್ವನಿಯನ್ನು ವರ್ಧಿಸುವುದು.
ಮಹಿಳಾ ಸಬಲೀಕರಣ ವಿಭಾಗದಲ್ಲಿ ಪ್ರಮುಖವಾಗಿ ಸಾಧನೆಯ ಗುರಿಯನ್ನು ಹೊತ್ತ ಮಹಿಳೆಯರಿಗೆ ದಿಟ್ಟ ಹೆಜ್ಜೆಗಳನ್ನಿಡಲು ಬೇಕಾಗುವ ಕೌಶಲ್ಯಗಳನ್ನು ಕಲಿಸುವುದು ಮತ್ತು ಸಮಾಜದ ಪೂರ್ವಾಗ್ರಹಗಳ ಇತಿಮಿತಿಗಳನ್ನು ದಾಟಿ ತಮ್ಮ ಕನಸುಗಳನ್ನು ಸಾಕಾರಮಾಡಿಕೊಳ್ಳಲು ಸಜ್ಜಾಗಿಸುವುದು ಮತ್ತು ಮಹಿಳೆಯರು ಪರಸ್ಪರ ಬೆಂಬಲಕ್ಕೆ ನಿಲ್ಲುವಂಥ ವೇದಿಕೆಯನ್ನು ಒದಗಿಸುವುದು ಸೇರಿದಂತೆ ಹಲವು ಚಟುವಟಿಕೆಗಳು ಸೇರಿವೆ.
2017ರಲ್ಲಿ ಶಾಂತಲಾ ದಾಮ್ಲೆಯವರು ಪ್ರಾರಂಭಿಸಿದ್ದ “ಅವಳ ಹೆಜ್ಜೆ”, 2024ರಲ್ಲಿ 'ಗುಬ್ಬಿವಾಣಿ ಟ್ರಸ್ಟ್' ನ "ಮಹಿಳಾ ಸಬಲೀಕರಣ" ವಿಭಾಗವಾಗಿ ಹೊಸ ರೂಪ ಪಡೆದಿದೆ. ಹಿಂದಿನ ಕಾರ್ಯಕ್ರಮಗಳ ಕುರಿತು ತಿಳಿಯಲು ಇಲ್ಲಿ ಕ್ಲಿಕ್ ಮಾಡಿ.
ಗುಬ್ಬಿವಾಣಿ ಟ್ರಸ್ಟ್‌ನ 'ಅವಳ ಹೆಜ್ಜೆ ನೆಟ್‌ವರ್ಕ್' ಪ್ರತಿಯೊಬ್ಬ ಮಹಿಳೆಗೂ ಬೆಂಬಲ ಸದಾ ಕೈಗೆಟುಕುವಂತೆ ಮಾಡಲು ರೂಪಿಸಿರುವ ರಾಜ್ಯವ್ಯಾಪಿ ಸಂಪರ್ಕಜಾಲ, ಅದಕ್ಕೆಂದೇ ಮೀಸಲಾದ ಮೊಬೈಲ್ ಆ್ಯಪ್ ನೊಂದಿಗೆ. ಸಮಗ್ರ ಸಬಲೀಕರಣ ಪಠ್ಯಕ್ರಮ ಹಾಗೂ ಸಕ್ರಿಯ ಸಮುದಾಯದ ಮೂಲಕ ಇದು ಸಂಕಷ್ಟದಲ್ಲಿ ಆಸರೆಯಾಗುವ ಸುರಕ್ಷತಾ ಜಾಲವಾಗಿ ಮಾತ್ರವಲ್ಲದೆ, ಆರ್ಥಿಕ ಸ್ವಾತಂತ್ರ್ಯ, ನಾಯಕತ್ವ ಮತ್ತು ತಮ್ಮ ಅತ್ಯುನ್ನತ ಆಕಾಂಕ್ಷೆಗಳನ್ನು ಈಡೇರಿಸಿಕೊಳ್ಳುವ ಪಯಣದಲ್ಲಿ ಮಹಿಳೆಯರ ಜೊತೆಗಿರುತ್ತದೆ.
ಲಿಂಗ ಸಂವೇದನೆ, ಋತುಚಕ್ರ, ಋತುಬಂಧ, ವ್ಯಕ್ತಿತ್ವ ವಿಕಸನ ತರಬೇತಿಗಳನ್ನು ಈಗಾಗಲೇ ನಡೆಸುತ್ತಿದ್ದು, ಇತರ ಸಂಸ್ಥೆಗಳ ಸಹಯೋಗದೊಂದಿಗೆ ವಿವಿಧ ಕೌಶಲ್ಯಾಭಿವೃದ್ಧಿ ತರಬೇತಿಗಳನ್ನು ಸಹಾ ಆಯೋಜಿಸಲಾಗುತ್ತದೆ.
ಪಿಯು (PU) ಮತ್ತು ಕೆಲವು ಪದವಿ ಕೋರ್ಸ್‌ಗಳಲ್ಲಿ ಹೆಣ್ಣುಮಕ್ಕಳು ತಮ್ಮ ಶಿಕ್ಷಣವನ್ನು ಮುಂದುವರಿಸಲು ‘ಹೆಣ್ಣು ಮಕ್ಕಳ ವಿದ್ಯಾರ್ಥಿವೇತನ ಕಾರ್ಯಕ್ರಮ’ ಹಣಕಾಸಿನ ನೆರವು ನೀಡುತ್ತದೆ.
ಕರ್ನಾಟಕದ ಮಹಿಳೆಯರ ಆಧುನಿಕ ಚರಿತ್ರೆಯನ್ನು ಹಾಗೂ ಅವರ ಸ್ಫೂರ್ತಿದಾಯಕ ಜೀವನಯಾತ್ರೆಯನ್ನು ದಾಖಲಿಸಲು ಮೀಸಲಾದ ವೀಡಿಯೊ ಸರಣಿ ‘ಹರ್ ಸ್ಟೋರಿ’.
2025 ರಲ್ಲಿ ಆರಂಭವಾದ ಈ ಉತ್ಸವವು ಕೇವಲ ಸ್ಪರ್ಧೆಯಲ್ಲ; ಕ್ಯಾಮೆರಾ ಹಿಂದೆ ಮಹಿಳೆ ಇಲ್ಲದಿದ್ದರೆ, ಪರದೆಯ ಮೇಲಿನ ಮಹಿಳಾ ಪಾತ್ರಗಳು ಕೇವಲ ಗ್ಲಾಮರ್ ಗೆ ಸೀಮಿತವಾಗುವ ಅಪಾಯವಿದೆ. ಈ ಚಿತ್ರೋತ್ಸವದ ಮೂಲ ಉದ್ದೇಶ ಮಹಿಳಾ ಸಬಲೀಕರಣವಾಗಿದ್ದು, ಮಹಿಳೆಯರ ಬದುಕು, ಕತೆಗಳು ಮತ್ತು ದೃಷ್ಟಿಕೋನಗಳನ್ನು ಸಿನಿಮಾ ಎಂಬ ಶಕ್ತಿಶಾಲೀ ಮಾಧ್ಯಮದ ಮೂಲಕ ಪರಿಣಾಮಕಾರಿಯಾಗಿ ಬಿಂಬಿಸಲು ಮಹಿಳಾ ನಿರ್ದೇಶಕಿಯರನ್ನು ಪ್ರೇರೇಪಿಸುವುದರ ಮೂಲಕ ಒಂದು ಸಾಂಸ್ಕೃತಿಕ ಚಳವಳಿಯಾಗಿ ಬೆಳೆಸುವ ಪ್ರಯತ್ನವಾಗಿದೆ.